రాయపాడులో సేంద్రీయ ఎరువుల తయారీపై శిక్షణ

రాయపాడులో సేంద్రీయ ఎరువుల తయారీపై శిక్షణ..

గుండాల/ ఆళ్లపల్లి మండలం సెప్టెంబర్ 26 (స్వాతంత్ర్య భారత్) ప్రతినిధి

ఆళ్లపల్లి​ మండలం రాయపాడు గ్రామంలో సేంద్రీయ ఎరువుల తయారీపై రైతులకు అవగాహన కార్యక్రమం నిర్వహించారు. ఇందులో ఐటీడీఏ భద్రాచలం డీజీఎం హరికృష్ణ, మణుగూరు ఏడీఏ తాతారావు, అను సూర్య, వ్యవసాయ అధికారి కుమార్ రాజా పాల్గొన్నారు. ​ఈ కార్యక్రమంలో వర్మి బెడ్ ఏర్పాటు చేసి, వానపాములతో వర్మి కంపోస్ట్ తయారు చేసే విధానాన్ని రైతులకు ప్రత్యక్షంగా చూపించారు. అనంతరం డీజీఎం హరికృష్ణ రైతులకు కిట్లు, టీ షర్టులు, నోట్‌బుక్స్, శిక్షణ మెటీరియల్, పెన్నులు పంపిణీ చేశారు. ​ఈ సందర్భంగా ఏడీఏ తాతారావు మాట్లాడుతూ.. ప్రతి ఒక్కరూ ఆరోగ్యంగా ఉండటానికి సేంద్రియ వ్యవసాయం చేయాలని సూచించారు. ఈ శిక్షణలో 45 రోజుల పాటు పాల్గొంటున్న శ్రేయతో పాటు సేంద్రీయ వ్యవసాయ రైతులు పాపారావు, ఎర్రయ్య మరియు స్థానిక రైతులు పాల్గొన్నారు.