గుండాలలో బీఆర్‌ఎస్‌లోకి 30 కుటుంబాల చేరిక

SBNEWS, గుండాల: భద్రాద్రి కొత్తగూడెం జిల్లా గుండాల మండల కేంద్రంలో బీఆర్‌ఎస్ పార్టీలో చేరికల కార్యక్రమం నిర్వహించారు. గొల్లపల్లి రమేష్ అధ్యక్షతన జరిగిన ఈ కార్యక్రమంలో టీజేఎస్ పార్టీకి చెందిన 30 కుటుంబాలు బీఆర్‌ఎస్ పార్టీలో చేరినట్లు పార్టీ వర్గాలు తెలిపాయి. భద్రాద్రి కొత్తగూడెం జిల్లా బీఆర్‌ఎస్ పార్టీ మాజీ అధ్యక్షుడు, పినపాక మాజీ ఎమ్మెల్యే రేగా కాంతారావు ఆధ్వర్యంలో ఈ చేరికలు జరిగాయి. ఈ సందర్భంగా పార్టీలో చేరిన వారికి రేగా కాంతారావు బీఆర్‌ఎస్ పార్టీ కండువాలు కప్పి పార్టీలోకి ఆహ్వానించారు. ఈ సందర్భంగా రేగా కాంతారావు మాట్లాడుతూ పార్టీలో చేరిన ప్రతి ఒక్కరికి స్వాగతం పలికారు. పార్టీ కార్యకర్తలు, నాయకులు సమన్వయంతో పనిచేయాలని సూచించారు. కార్యక్రమంలో బీఆర్‌ఎస్ నాయకులు, కార్యకర్తలు, పార్టీలో కొత్తగా చేరిన కుటుంబాల సభ్యులు పాల్గొన్నారు.