*గుండాల మండలం సెప్టెంబర్ 1 (స్వాతంత్ర్య భారత్) ప్రతినిధి*
మానవ మృగాలను కఠినంగా శిక్షించాలని ఊకే శిరీష కుటుంబానికి న్యాయం చేయాలని టిడిపి గుండాల మండల కమిటీ డిమాండ్ చేసింది మంగళవారం నాడు వారు విలేకరులతో మాట్లాడుతూ ములకలపల్లి మండలం చౌటి గూడెం గ్రామానికి చెందిన నిరుపేద ఆదివాసి మహిళా నర్సింగ్ విద్యార్థిని పై హైదరాబాదులో అత్యాచారం జరిగిందని ఇప్పటివరకు ప్రభుత్వం బాధిత కుటుంబానికి న్యాయం చేస్తామన్నా హామీ ఇవ్వకపోవడమేంటని ప్రశ్నించారు. నిరుపేద కుటుంబంలో పుట్టి పెరిగి ఎన్నో కష్టాలను కోర్చి బ్రతుకుతెరువు కోసం పట్టణాలకు వెళ్లిన పేద అణగారిన వర్గాలకు రక్షణ కల్పించడంలో పాలకులు విఫలమవుతున్నారని ఊకె శిరీష విషయంలో అదే జరిగిందని గతంలో ఇలాంటి ఘటనలు అగ్రవర్ణాలకు జరిగితే వెంటనే స్పందించి శిక్ష విధించిన పాలకులు ఇప్పుడెందుకు మౌనం వహిస్తున్నారో చెప్పాలన్నారు ఇలాంటి ఘటనలు పునరావృతం కాకుండా కఠిన చర్యలు తీసుకోవాలని శిరీష కుటుంబానికి 50 లక్షల ఎక్స్గ్రేషియా చెల్లించాలని ప్రభుత్వ ఉద్యోగం వారి కుటుంబ సభ్యులకు కల్పించాలని డిమాండ్ చేశారు ఈ కార్యక్రమంలో టిడిపి మండల అధ్యక్ష కార్యదర్శులు తోలెం సాంబయ్య,ఇల్లందుల అప్పారావు, నియోజకవర్గ అధికార ప్రతినిధి ఇల్లందుల నరసింహులు, మొల్కం మధు,చీకటి యాకయ్య,మొల్కం రామకృష్ణ,వాగబోయిన హుషార్,రెడ్డి తదితరులు పాల్గొన్నారు.