స్వాతంత్ర్య భారత్ న్యూస్, ఆదోని: మహాత్మా గాంధీ జయంతిని పురస్కరించుకుని ఆదోని పట్టణంలోని మున్సిపల్ పార్కులో గురువారం ప్రత్యేక కార్యక్రమాన్ని నిర్వహించారు. ఈ సందర్భంగా గాంధీజీ చిత్రపటానికి కాంగ్రెస్ పార్టీ నాయకులు పూలమాలలు వేసి నివాళులర్పించారు. ఈ కార్యక్రమంలో కాంగ్రెస్ పార్టీ కర్నూలు జిల్లా వైస్ ప్రెసిడెంట్ దిలీప్ మాట్లాడుతూ.. మహాత్మా గాంధీ అహింస, శాంతి మార్గాలను అనుసరించి దేశ స్వాతంత్ర్యం కోసం పోరాడారని తెలిపారు. హింసా మార్గాన్ని విడిచిపెట్టి శాంతి మార్గంలో పనిచేయాలని గాంధీజీ ఆనాడే ప్రజలకు పిలుపునిచ్చారని పేర్కొన్నారు. గాంధీజీ ఆశయాలను ప్రతి ఒక్కరూ ఆదర్శంగా తీసుకుని సమాజంలో శాంతి, సౌభ్రాతృత్వం, ఐక్యతను పెంపొందించేందుకు కృషి చేయాలని ఆయన సూచించారు. ఈ కార్యక్రమంలో కాంగ్రెస్ పార్టీ నాయకులు గొల్ల రాముడు, నారాయణ, ముస్లిం మైనార్టీ నాయకుడు అలీ భాష తదితరులు పాల్గొన్నారు.
- స్వాతంత్రీయ భారత న్యూస్ ప్రతినిధి, ఆదోని
స్వామీదాసు
Tags
Andhra Pradesh