కోల్ మైన్స్ ఆఫీసర్స్ అసోసియేషన్ రిలే దీక్షకు ఐఎన్‌టీయూసీ మద్దతు
డిమాండ్లు పరిష్కరించాలని కృష్ణంరాజు విజ్ఞప్తి
మణుగూరు, జూన్ 29: తమ న్యాయమైన డిమాండ్ల సాధన కోసం కోల్ మైన్స్ ఆఫీసర్స్ అసోసియేషన్ ఆధ్వర్యంలో చేపట్టిన రిలే నిరాహార దీక్షలకు ఐఎన్‌టీయూసీ నాయకులు కృష్ణంరాజు మద్దతు తెలిపారు.
మణుగూరులో జీఎం కార్యాలయం సమీపంలో కొనసాగుతున్న దీక్షా శిబిరాన్ని సోమవారం ఆయన సందర్శించి సంఘీభావం ప్రకటించారు. ఈ సందర్భంగా మాట్లాడుతూ అధికారులు, ఉద్యోగుల సమస్యలను యాజమాన్యం సానుకూలంగా పరిశీలించి, పెండింగ్ డిమాండ్లను వెంటనే పరిష్కరించాలని కోరారు.
ఉద్యోగుల సంక్షేమానికి సంబంధించిన అంశాలపై యాజమాన్యం చర్చలు జరిపి న్యాయమైన డిమాండ్లను ఆమోదించాలని ఆయన విజ్ఞప్తి చేశారు. కార్మిక, అధికారుల సమస్యల పరిష్కారానికి ఐఎన్‌టీయూసీ ఎల్లప్పుడూ అండగా ఉంటుందని పేర్కొన్నారు.
ఈ కార్యక్రమంలో కోల్ మైన్స్ ఆఫీసర్స్ అసోసియేషన్ ప్రతినిధులు, ఐఎన్‌టీయూసీ నాయకులు, ఉద్యోగులు పాల్గొన్నారు.
Tags
మణుగూరు