భూపాలపట్నంలో ప్రధాన రహదారి ఆక్రమిత విస్తరణ పనులు
భూపాలపట్నం గ్రామపంచాయతీ పరిధిలోని పినపాక–ఈ బయ్యారం క్రాస్ రోడ్ ప్రధాన రహదారిపై ఆక్రమిత విస్తరణ, శుభ్రత పనులు చేపట్టినట్లు గ్రామ సర్పంచ్ స్వప్న తెలిపారు. స్థానిక పంచాయతీ కార్యదర్శి పూనెం సందీప్ ఆధ్వర్యంలో రహదారికి ఇరువైపులా సుమారు పది అడుగుల మేర శుభ్రపరిచే పనులు నిర్వహించారు.
ప్రజల రాకపోకలకు ఇబ్బందులు తొలగించి, రోడ్డు ప్రమాదాలను నివారించేందుకు స్థానిక ఎంపీడీవో మరియు ఎమ్మెల్యే ఆదేశాల మేరకు ఈ కార్యక్రమాన్ని చేపట్టినట్లు సర్పంచ్ పేర్కొన్నారు. రహదారి విస్తరణతో వాహనాల రాకపోకలు సులభతరం కావడంతో పాటు గ్రామ ప్రజలకు మెరుగైన సౌకర్యాలు అందనున్నాయని తెలిపారు.
ఈ కార్యక్రమంలో ఉపసర్పంచ్ శిరీష, కాంగ్రెస్ నాయకులు ఆరె సీతారామయ్య, నిట్ట వెంకటేశ్వర్లు తదితరులు పాల్గొని పనులను పరిశీలించారు. గ్రామ అభివృద్ధి కోసం ఇటువంటి కార్యక్రమాలు కొనసాగుతాయని వారు వెల్లడించారు.
#భూపాలపట్నం #రోడ్డు_విస్తరణ #పినపాక #బయ్యారం_క్రాస్_రోడ్ #గ్రామాభివృద్ధి #తెలంగాణ_వార్తలు
Tags
పినపాక