భద్రాద్రి కొత్తగూడెం జిల్లా పినపాక మండల నూతన తహసీల్దార్‌గా బాధ్యతలు స్వీకరించిన శ్రీనివాస్ రెడ్డిని ఆదివాసి హక్కుల పోరాట సమితి “తుడుం దెబ్బ” నాయకులు కలిసి శుభాకాంక్షలు తెలిపారు. ఈ సందర్భంగా రాష్ట్ర ఉపాధ్యక్షుడు అలెం కోటి మాట్లాడుతూ, మండలంలో గిరిజన భూముల సమస్యలు తీవ్రంగా ఉన్నాయని తెలిపారు.
ఫారెస్ట్-రెవెన్యూ జాయింట్ సర్వేలో ఉన్న లోపాలు, గిరిజనేతరుల భూకబ్జాలు, నాన్-ట్రేస్ వ్యక్తుల ప్రభావం వంటి అంశాలను ఆయన ప్రస్తావించారు. హక్కుల కోసం పోరాడే గిరిజనులపై అక్రమ కేసులు నమోదు అవుతున్నాయని ఆవేదన వ్యక్తం చేశారు. చట్ట ప్రకారం వ్యవహరించాలని, ఏజెన్సీ చట్టాల అమలు పర్యవేక్షించాలని కోరారు.
అదేవిధంగా ఆశ్రమ పాఠశాలలు, ఎస్సీ, ఎస్టీ, బీసీ హాస్టళ్లలో విద్యార్థులకు మెనూ ప్రకారం నాణ్యమైన భోజనం అందించాలని సూచించారు. అక్రమ ఇసుక రవాణా, ప్రభుత్వ భూముల ఆక్రమణలను అరికట్టాలని విజ్ఞప్తి చేశారు.
దీనిపై స్పందించిన తహసీల్దార్ శ్రీనివాస్ రెడ్డి, మండల సమస్యలను సమగ్రంగా అధ్యయనం చేసి చట్టబద్ధంగా చర్యలు తీసుకుంటానని తెలిపారు. ప్రజల సహకారంతో పారదర్శకంగా పనిచేస్తానని హామీ ఇచ్చారు.
ఈ కార్యక్రమంలో తుడుం దెబ్బ నాయకులు, స్థానిక కార్యకర్తలు పాల్గొన్నారు.
#పినపాక #తహసీల్దార్ #తుడుందెబ్బ #గిరిజనహక్కులు #భూమిసమస్యలు #భద్రాద్రికొత్తగూడెం
Tags
పినపాక