ఈ బయ్యారం క్రాస్ రోడ్డు చెత్త సేకరణ పనులు చేపట్టండి
- వర్తక సంఘం అధ్యక్షులు సురేష్
పినపాక
పినపాక మండలం ఈ బయ్యారం క్రాస్ రోడ్ లో చెత్తాచెదారం పేరు కొనిపోయి రోడ్డుకు ఇరువైపులా ఉందని వాటిని వెంటనే పంచాయతీ సిబ్బంది తొలగించే కార్యక్రమం చేపట్టాలని వర్తక సంఘం అధ్యక్షులు సురేష్ కోరారు. గురువారం పిరపాక మండలం ఈ బయ్యారం గ్రామపంచాయతీ సర్పంచ్ వాగబోయిన చందర్రావుకు వినతి పత్రాన్ని అందజేశారు. ఈనెల 10వ తేదీ నుండి ఇంతవరకు చెత్త సేకరణ ట్రాక్టర్ ఈ బయ్యారం క్రాస్ రోడ్ కి రాలేదని ఈ సందర్భంగా వారు తెలియజేశారు. రోడ్డు ఇరువైపులా వాటర్ బాటిల్స్ సైతం విపరీతంగా ఉంటున్నాయని సందర్భంగా వారు తెలిపారు. గతంలో మేడారం సందర్భంగా ఎంపీవో వెంకటేశ్వరరావు ఇతర అధికారులు, సెక్రటరీలు డ్రైనేజీ వరకు ఎటువంటి ఆక్రమణకు గురికాకుండా చర్యలు తీసుకున్నారని, ప్రస్తుతం ఆ పరిస్థితి లేదన్నారు. రోడ్డు కు డ్రైనేజీ వరకు ఉన్న ఇరువైపులా ఆక్రమిత దుకాణాలు సైతం తొలగించడానికి అధికారులకు వర్తక సంఘం సహాయ పడుతుందని తెలిపారు. ఈ కార్యక్రమంలో భాస్కర్ రెడ్డి( ఎక్స్ మిలటరీ), మురళి,లక్ష్మణరావు, తదితరులు పాల్గొన్నారు.
Tags
పినపాక